[與朋對話] 我應否升級至1000M寬頻?

kinsir

尋日,

有位朋友問我:

阿堅，XX寬頻話只要我加$50就可以將我個PLAN由500M升至1000M喎, 抵唔抵?升唔升得過?

我相信好多朋友都遇過或將會遇到呢個問題, 所以今日就等我幫大家分析一下。

我答：

第一，唔係抵唔抵問題，而係你需唔需要咁大頻寬呢?

第二，我當你需要，咁你屋企啲硬件器材SUPPORT得到嗎? 何謂SUPPORT?即係你屋企部電腦係咪用i7 CPU? RAM有無8GB? 硬碟係咪行RAID?或者係咪用緊SSD? LAN卡同埋路由器係咪Gigabit? LAN線係咪用緊CAT5E或CAT6…？

第三，我當你啲硬件器材SUPPORT，你諗下自己平時上開乜嘢網，如果經常去啲香港以外的網站的話，我勸你都係每個月慳返$50請我飲茶好過啦。

第四，如果你啲硬件器材唔SUPPORT，你知唔知需要用幾多錢添置硬件先可以符合使用1000M寬頻？一部有Gigabit Lan的i7電腦大約$7xxx，一部Gigabit路由器連線材最平大約$4xx，即係你未玩1000M寬頻就要跌成$8000出嚟先，之後每個月跌多$50，無錯你上本地網站係有機會快咗(其實根本唔覺)，但一去外國網站就同我100M寬頻無分別，你自己諗下值唔值啦。

之後朋友再問：咁1000M寬頻有乜用？呃我$?

我答：咁又唔係用嚟呃你$，頭先都講過啦，你有需要咪申請囉。例如有啲人經常需要喺公司與屋企之間傳輸大容量檔案，又或者經常需要Send高清片俾朋友開心share，又想快，咁呢啲人咪需要囉~

之後朋友話：哦~ 咁每個月俾多$50，加加埋埋一皮嘢都唔使就可以咁勁咁極速上網，都唔係問題，最緊要上網快！

我答：少年，你太年輕了，君不知現今家用寬頻最高極速霸主乃PXXW之10GB PLAN，服務月費更是天價，電腦硬件要求更高，你要追求速度無人阻你，詳情請自行上網查閱。